Цените на нафтата денес скокнаа за повеќе од пет проценти, при што меѓународната референтна сурова нафта брент се движеше околу 96 долари за барел, а американската сурова нафта WTI на 94 долари за барел.
Скокот на цената се случи по извештаите дека Иран ги суспендира индиректните контакти со САД поради зголемените израелски воени операции во Либан, што дополнително ги зголеми загриженоста на инвеститорите за стабилноста на снабдувањето со енергија од Блискиот Исток, објави Трејдинг економикс.
И покрај зголемувањето на тензиите, американскиот претседател Доналд Трамп изјави дека очекува позитивен исход од разговорите со Техеран и оцени дека преговорите на крајот ќе доведат до решение.
Слични новости
Мајската инфлација во Европа се забрза поради скокот на цените на енергентите
Годишната инфлација во еврозоната според прелиминарните проценки порасна во мај на 3,2 насто, од априлските 3 проценти. Ова е највиска стапка на инфлација од септември 2023 објави денеска Евростат.
Европските берзи денеска во благ плус
Европските берзи денеска се во благ плус додека инвеститорите ги чекаат новите податоци за инфлацијата во мај во еврозоната кои треба да покажат колку војната меѓу САД и Иран влијаела врз растот на цените на енергентите и пошироката економија.
Европските клауд компании го поддржаа планот на ЕУ за намалување на зависноста од САД
Европските клауд компании, технолошките фирми и пратениците од Европскиот парламент денеска го поддржаа планот на Европската унија за намалување на зависноста на ЕУ од американските технологии и засилување на европската дигитална индустрија.