Патот на Република Северна Македонија кон Европската Унија не оди преку ултиматуми и ветувања, потребен е искрен дијалог. Ова го изјавила бугарската претседателка Илијана Јотова коментирајќи го барањето испратено од македонските власти со кое се бара билатерална средба.
Јотова за бугарските медиуми изјавила и дека е умерен оптимист и дека ќе побара од шефицата на бугарската дипломатија Петрова-Чамова да ѝ го даде на увид барањето за средба во Софија.
За овој разговор да биде сериозен, Мицкоски мора многу добро да ја прочита европската политика во врска со проширувањето на Република Северна Македонија и да заборави дека ова е билатерално прашање, како што тој се обидува да го претстави.
Ние секогаш сме биле отворени за разговори со нив, но разговори без ултиматуми и без отстапки од европската политика. Бугарија е дел од Европската Унија и не можеме да дозволиме земја која тргнала по европскиот пат да не ги прифаќа вредностите и доблестите на Европската Унија, а уште помалку да зборува со тон на ултиматум, но да останеме умерени оптимисти“ порача Јотова.
Минатата недела, за време на посетата на претседателката на Европската комисија Урсула фон дер Лајен на Скопје, премиерот Христијан Мицкоски изјави дека ќе иницира билатерална средба со Софија, на совет на фон дер Лајен.
Слични новости
Посета на Урсула Фон Дер Лајен на Скопје, тема проширувањето на ЕУ
Посетата на Фон Дер Лајен на Западниот Балкан доаѓа во период кога ЕУ ја ревидира политиката на ЕУ кон проширувањето со Западен Балкан, како и со Украина и Молдавија.
Сопственикот на дискотеката Пулс во Кочани во петок излегува од притвор
Рокот за определување на притвор за првообвинетиот за трагедијата во кочански Пулс Дејан ЈОванов истекува во петок и после 3-ти октомври нема законска можност за ново продолжување на притворот по што обвинителството смее да побара поблаги мерки за обезбедување.
Грејната сезона започнува на 15 октомври
Регулаторната комисија за енергетика, водни услуги и услуги за управување со комунален отпад (РКЕ) ја информира јавноста дека грејната сезона започнува на 15 октомври 2026 и завршува на 15 април 2027 година.