Цените на нафтата денес скокнаа за повеќе од пет проценти, при што меѓународната референтна сурова нафта брент се движеше околу 96 долари за барел, а американската сурова нафта WTI на 94 долари за барел.
Скокот на цената се случи по извештаите дека Иран ги суспендира индиректните контакти со САД поради зголемените израелски воени операции во Либан, што дополнително ги зголеми загриженоста на инвеститорите за стабилноста на снабдувањето со енергија од Блискиот Исток, објави Трејдинг економикс.
И покрај зголемувањето на тензиите, американскиот претседател Доналд Трамп изјави дека очекува позитивен исход од разговорите со Техеран и оцени дека преговорите на крајот ќе доведат до решение.
Слични новости
ММФ и Светската банка предупредија дека Ормутскиот теснец е клучен за снабдување со гориво
ММФ и Светската банка, како и шефовите на Меѓународната агенција за енергија предупредија дека поради војната на Блискиот исток постои ризик за снабдување со гориво во текот на ова лето, доколку испораките на нафта низ Ормутскиот теснец не се вратат во нормала.
Пад на берзите по ескалацијата на конфликтот во Иран
Ескалацијата на тензиите меѓу САД и Иран повторно ги потресе глобалните финансиски пазари, при што цената на нафтата нагло порасна, акциите забележаа висок пад, а инвеститорите се насочија кон безбедни засолништа како американскиот долар и благородните метали.
Цените на нафтата скокнаа по новите напади на САД врз Иран
Фјучерсите на суровата нафта „брент“ се зголемија за 3,51 долари, односно 3,72 отсто, достигнувајќи 97,8 долари за барел. Фјучерсите на американската сирова нафта ВТИ се зголемија за 3,31 долари, или 3,73 отсто, достигнувајќи цена од 91,99 долари за барел.