Цените на нафтата утрово пораснаа за повеќе од три проценти, како реакција на новите напади што си ги разменија Иран и САД, а Израел ѝ издаде наредба на својата војска да ги интензивира нападите врз Хезболах во Либан, објави Ројтерс.
Денеска на берзите барел нафта од типот Брент е поскап за 3,05 проценти и се продава за 93,9 долари по барел, а цената на американската сурова нафта поскапе за 3,3 проценти и се продава за 90,2 долари за барел.
САД сооштија дека спровеле нови напади чија цел биле радарски позиции и локации за контрола на беспилотни летала на иранските острови Горук и Кешм.
Иранската елитна Исламска револуционерна гарда денеска, пак, соопшти дека нејзините воздухопловни сили нападнале американска воздухопловна база.
Слични новости
Нафтата поскапе по новата ескалација во Ормутскиот теснец
На лондонскиот пазар, цената на нафтата од типот „Брент“ порасна за 5,7 проценти и достигна 87,30 долари за барел, додека на американскиот пазар цената се искачи за над 6,2 проценти, на 89,05 долари.
Румен Радев убедлив победник на изборите во Бугарија
Резултатите од пребројувањето на гласовите сеуште не се конечни, но најверојатно е дека тој ќе освои 135 мандата во парламентот со 240 седишта и самиот ќе има мнозинство за формирање на влада.
Иранската војска повторно ја врати контролата врз Ормутскиот теснец
Иранската војска најави дека повторно ја презема контролата врз Ормускиот Теснец, објавија иранските државни медиуми. Иранската револуционерна гарда во соопштение наведе дека теснецот ќе се врати во претходната состојба и дека со подрачјето ќе управуваат вооружените сили.