Утрово на берзите нафтата од типот Брент порасна за 1,7% на 110, 1 долар, а цената на американската сурова нафта Фјучерси WTI порасна за 1,6 % на околу 98 долари за барел, достигнувајќи двонеделен максимум.
Растот на цената на нафтата продолжува бидејќи пазарот е во неизвесност поради застојот во преговорите за завршување на конфликтот меѓу САД и Иран и повторно отворање на Ормускиот теснец.
Иран преку Пакистан соопшти дека непријателствата би можеле да престанат, ако САД ја укинат поморска блокада, се согласат на ревидирана рамка за транзит низ Ормускиот теснец и дадат гаранции дека нема да има идни воени дејствија.
Но, Вашингтон го отфрли предлогот од Иран, бидејќи со овој предлог не е опфатена иранската нуклеарна програма.
Слични новости
Голем пад на европските компании на берзите
Акциите на европските компании забележаа голем пад на берзите откако САД и Израел започнаа напади врз Иран во текот на викендот. Паневропскиот СТОКС падна за 1,7 насто, при што главните берзи забележаа негативни резултати.
Американската амбасада во Саудиска Арабија погодена со дронови
Во амбасадата избувнал „ограничен пожар“, предизвикувајќи помала материјална штета, соопшти Министерството за одбрана на Саудиска Арабија. Дополнителни осум дронови биле пресретнати и уништени во близина на Ријад и Ал-Карџ.
Ако продолжи војната на Блискиот исток цената на нафтата може да надмине 100 долари по барел
Аналитичарите предупредуваат дека повеќе немири, хаотичен вакуум во власта, напади што би го прекинале производството или продолжено затворање на клучниот Ормутски теснец би можеле да ја зголемат цената на нафтата на 100 долари за барел или повеќе.