Цените на нафтата значително се зголемија на азиските пазари, достигнувајќи највисоко ниво од 2022 година, по извештаите дека САД подготвуваат нови воени опции во Иран. Според информации на медиумите, американската војска подготвила план за кратки, но интензивни напади со цел да се изврши притисок врз застојот на преговори со Техеран.
Брент нафтата порасна за речиси 7%, надминувајќи 126 долари за барел, додека американската WTI нафта достигна околу 109 долари.
Растот на цените доаѓа во време кога клучниот Ормуски теснец останува практично затворен, што сериозно ги нарушува глобалните испораки на енергенси.
Овој морски премин е од клучно значење, бидејќи низ него поминува околу една петтина од светската трговија со нафта.
Дополнително, САД најавија можност за блокада на иранските пристаништа, додека Иран се закани со напади врз бродови во регионот.
Енергетските пазари остануваат под силен притисок, особено по состаноците меѓу американски претставници и енергетски компании, каде се разгледувале мерки за ублажување на влијанието врз потрошувачите во услови на потенцијално долготраен конфликт.
Слични новости
Рено планира укинување на 15-20 насто од инженерските позиции поради силната конкуренција од Кина
Францускиот производител на автомобили Рено објави дека ќе укине 15-20 насто од работните позиции во глобалниот инженерски сектор поради силната конкуренција од Кина, што ќе погоди околу 2.000 вработени во наредните две години.
Британците имаат се помалку пари за храна и греење
Најновото истражување покажа дека 66 насто од Британците е загрижено за своите финансии во наредните месеци, додека 31 насто ги налауваат трошоците за храна и греење за да може да состават „крај со крај“, пренесе Скај њуз.
Цената на нафтата Брент падна под 100 долари за барел
Цената на сировата нафта денеска падна на светските берзи за 3,48 насто на 95,5 долари за барел, а цената на нафтата Брент падна за 1,35 насто на 98 долари за барел.