Фудбалската федерација на Македонија и официјално покрена дисциплинска постапка против фудбалскиот клуб Вардар поради недоличното однесување при прославата на шампионската титула, освоена во петокот.
Најтрофејниот македонски клуб ја осигура својата 12. шампионска титула со победа на гостувањето кај Струга со 1-0 во претпоследното коло од сезоната.
Наместо прославата да мине во спортски дух, „црвено-црните“ се најдоа во центарот на вниманието по снимките од угостителски објект, на кои фудбалерите, стручниот штаб и раководните лица пеат песни со навредлива содржина.
Осуди за инцидентот пристигна од повеќе страни, пред сè од Министерството за спорт и од Фудбалската федерација на Македонија. ФК Вардар сега се соочува со казна, откако случајот денеска и официјално се најде во билтенот на Дисциплинската комисија.
Одлука околу евентуалната казна веројатно ќе има следната недела, откако ќе биде комплетирана сезоната.
Во сабота, на 23 мај, Вардар ја пречекува Шкендија во последното коло по што ќе следува прослава на титулата во Градскиот парк во Скопје.
Слични новости
Пепелта од РЕК пак крева прашина, загадувањето недокажано
Заради силниот ветер присутен деновиве, на одлагалиштето за пепел само од местото каде што во моментот се одлагаше пепел, се забележа издигнување на истата. Веднаш е запрено со одлагањето и се пристапи кон дополнително покривање со земја на одложената пепел, велат од РЕК.
ВМРО избра нов портпарол и претседатели на општински комитети
Дел се нови лица кои ќе внесат свежина во местата од каде што доаѓаат, а другиот дел се актуелни и докажани претседатели кои донесоа големи победи на изминатите изборни циклуси, но и големи позитивни промени во локалните самоуправи, велат од партијата.
Собранието не го усвои предлог законот на СДСМ за министрите да имаат само македонско државјанство
Според опозициската партија, „уште еднаш се потврдило дека ВМРО-ДПМНЕ е партија полна со функционери со бугарски пасоши“.