Претседателката на Европската комисија, Урсула фон дер Лајен, започнува тридневна турнеја низ Западен Балкан. Првата станица од нејзината посета е Албанија, каде што пристигнува денеска.
Во петок на 2 октомври, шефицата на Европската комисија ќе ја посети Македонија, а предходно е во Косово, Црна Гора. Овој пат, Србија и Босна и Херцеговина не се вклучени во планот на посетата.
Албанија постигнува историски напредок на патот кон ЕУ: земјата ги затвора првите преговарачки поглавја.
Во Тирана, Фон дер Лајен ќе одржи разговори со албанскиот претседател Бајрам Бегај и со премиерот Еди Рама. Нејзината агенда вклучува и посети на проекти спроведени со европски средства, иако деталите за нив сè уште не се објавени.
Клучен фокус на разговорите ќе бидат европската интеграција на Албанија и следните чекори во преговарачкиот процес. Се очекува да се разговара и за постепената интеграција на земјите од Западен Балкан во единствениот европски пазар, како и за спроведувањето на Планот за раст за регионот.
Слични новости
МВР: Над 20 дуќани изгореа во пожарот во Шуто Оризари, сите во сопственост на едно лице
Денеска околу 03:20 часот во СВР Скопје е пријавено дека во трговски центар на подрачјето Шуто Оризари опожарени биле над 20 дуќани со текстилна и друга роба сопственост на С.С. кои ги има дадено под закупнина.
Утрово на ГП „Блаце“ се предаде екс директорот на Државна лотарија, Перпарим Бајрами – спроведен е во Шутка
Министерството за внатрешни работи потврди дека утрово, во 5:35 часот, на граничниот премин Блаце, сам се пријавил поранешниот директор на „Државна лотарија“, Перпарим Бајрами, баран со меѓународна потерница. Бајрами, како што информира МВР, е спроведен во Казнено-поправната установа „Затвор Скопје“.
Застреланиот во Арачиново е албанскиот пејач Азиз Мурати од Скопје
Мурати е ранет на влезот во Арачиново, откако во него пукало лице од возило – лице што го познавал од претходно и кое било во друштво со уште едно лице. Од МВР наведуваат дека се преземаат сите мерки и активности за расчистување на случајот.