Примирјето меѓу САД и Иран останува во сила, изјави американскиот претседател, Доналд Трамп и покрај инцидентите во водите на Ормускиот теснец, за кои Техеран и Вашингтон имаат различни верзии.
Американската војска соопшти дека нејзините поморски сили биле нападнати со ирански ракети, дронови и брзи чамци во теснецот и тие возвратиле со елиминирање на заканите и напади врз „иранските воени објекти одговорни за нападите врз американските сили“.
Трамп рече дека се обиделе да ги испровоцираат, Американците жестоко возвратиле, но договорот за прекин на огнот и натаму останува во сила.
„Јас тоа го нарекувам ситница. Ќе ви кажам кога нема да има прекин на огнот. Ако нема прекин на огнот, нема да треба ни да знаете. Само ќе видите еден голем сјај што ќе доаѓа од Иран. И подобро е брзо да го потпишат договорот“ – изјави претседателот Трамп.
Според иранската страна, американските сили нападнале ирански нафтен танкер во крајбрежните води и уште еден брод во близина на пристаништето Фуџеира во ОАЕ, а американските проектили бомбардирале и цивилни региони во јужен Иран.
Ескалацијата доаѓа само еден ден откако иранското Министерство за надворешни работи соопшти дека го разгледува американскиот предлог за завршување на војната.
Слични новости
Идентификувани агентите кои пукаа врз Алекс Прети
Убиството на Прети предизвика бран протести ширум Америка, а царинската и граничната заштита досега одбиваше да ги објави имињата на агентите и откри многу малку детали за смртоносниот инцидент.
24 часовен штрајк на јавниот превоз во Германија
Германија се соочува со голем 24-часовен штрајк во јавниот превоз, на кој повика синдикатот Верди и кој опфаќа околу 150 комунални и претпријатија за локален транспорт.
Зеленски потврди трилатерални разговори Украина–САД–Русија
Украинскиот претседател Володимир Зеленски потврди дека трилатерални разговори меѓу Украина, САД и Русија ќе се одржат во среда и четврток во Обединетите Арапски Емирати.