Американскиот претседател Доналд Трамп изјави дека САД не планираат да враќаат пари на компаниите поради царините што беа воведени за низа странски држави, а кои Врховниот суд ги поништи во петокот.
„Претпоставиувам дека тоа ќе мора да го судат во наредните две години. Значи, тие ќе напишат ваква ужасна, погрешна одлука, целосно погрешна. Речиси како да не ја напишале паметни луѓе. На крај ќе бидеме на суд во наредните пет години“, рече Трамп.
Се очекува поврат на парите, бидејќи американските увозници кои плаќаа царини во 2025 година, додека новата царинска политика беше во сила, веројатно ќе бараат средства од американската Агенција за царина и гранична заштита.
Соединетите Американски Држави можеби ќе бидат принудени да вратат милијарди долари на увозниците кои платија царини на ИЕЕПА.
Пресудата на Врховниот суд за поништување на царините беше донесена со шест гласа „за“ и три „против“. Одлуката беше образложена дека Трамп ги пречекорил овластувањата, кога го користел законот од 1977 година за федерална вонредна ситуација за воведување на реципрочни царини ширум светот.
Без да понуди докази, Трамп истакна дека странски интереси влијаеле на одлуката на Врховниот суд за укинување на царините кои ги воведе минатата година.
Слични новости
Владата ја продолжи мерката за намалување на акцизите на нафтените деривати до 15 јуни
Владата соопшти дека „со овие мерки и согласно нашите пресметки очекуваме цената на дизел горивото да се намали за 6,5 денари по литар, додека цената на бензините ќе биде намалена за 1,5 денар по литар“.
Трамп ги заостри условите за мировна спогодба со Иран
Американскиот претседател Доналд Трамп ги заостри условите на потенцијалниот договор за окончување на војната со Иран и му испрати променет предлог на Техеран за разгледување, изјавија службеници на американската администрација за „Њујорк Тајмс“.
Акциите на компанијата Дел скокнаа за 30 насто во еден ден поради побарувачката за сервери за вештачка интелигенција
Американската компанија оствари приход само од серверите за вештачка интелигенција од 16,1 милијарда долари. Со тоа за прв пат серверите за вештачка интелигенција го надминаа приходот од серверите за персонални компјутери кои изнесуваат 14,6 милијарди долари, пренесе Ројтерс.