Саудиска Арабија привремено го затвори својот стратешки Исток-Запад нафтовод, откако тој беше погоден во напад со дронови за кои Ирак потврди дека биле лансирани од негова територија. Во нападот има повредени, а причинетата материјална штета сè уште се проценува.
Нафтоводот долг околу 1.200 километри е од клучно значење за извозот на саудиската нафта, бидејќи овозможува транспорт до Црвеното Море и ја намалува зависноста од стратегиски важниот Ормутски теснец.
Според проценки на аналитичари и компании за следење на танкерскиот сообраќај, преку него се транспортираат околу 4 до 5 отсто од глобалната понуда на нафта.
Саудиска Арабија засега нема да возврати, но предупреди дека го задржува правото да преземе мерки за заштита на својата безбедност и инфраструктура.
Слични новости
Епидемијата на ебола во Конго се потешка: Повеќе од 2.300 потврдени случаи
Директорот за вонредни ситуации на СЗО Чикве Ихеквезу изјави дека вистинската бројка на случаи на ебола во Конго е најмалку двојно повисока, а можно е да изнесува и четири пати повеќе од официјалната бројка.