Во училиште во Загреб: Ученик со нож избодел друг ученик и жена

Во Електротехничкото училиште во Загреб, утрово еден ученик повреди друг ученик и вработен во училиштето со остар предмет.

Министерството за наука, образование и млади испрати кризен тим во училиштето. Министерството за здравство подоцна објави дека сите на кои им била потребна помош се згрижени.

Ученикот кој ги предизвикал повредите е под полициски надзор. Во тек е кривична истрага и увид на лице место, соопшти Полициската управа во Загреб.

Неофицијално, се знае дека учениците имаат петнаесет години.

Учениците по нападот се испратени дома, психолошки тим исто така пристигнал во училиштето.