САД наредија повлекување на дел од дипломатскиот персонал и на нивните семејства од Саудиска Арабија и подготвуваат слични мерки во другите земји од Персискиот Залив. Одлуката доаѓа поради сè пожестоките напади од страна на Хутите од Јемен и стравувањата од понатамошно ширење на конфликтот на Блискиот Исток.
Портпаролот на Стејт департментот, Томи Пигот, ја потврди одлуката, која се однесува на Саудиска Арабија, нагласувајќи дека се однесува на вработените кои не се за вонредни ситуации и членовите на нивните семејства. Тој не потврди дали истите мерки веќе стапиле на сила во други земји.
Пигот објасни дека одлуката е последица на интензивирањето на нападите на јеменските бунтовници Хути врз Саудиска Арабија.
Повлекувањето на дипломатите е особено значајно бидејќи Вашингтон постепено го враќа персоналот во дипломатските мисии од кои вработените беа евакуирани по почетокот на американско-израелската војна против Иран кон крајот на февруари.
Новата одлука покажува дека американските власти ги преиспитуваат безбедносните ризици за својот персонал во регионот, но тоа не значи дека е донесена одлука за нова американска воена операција.
Слични новости
Техеран сеуште не донел одлука дали ќе ги продолжи преговорите со САД
Иранскиот министер за надворешни работи Абас Арагчи изјави дека она што било содржано во меморандумот за разбирање од Исламабад претставувало „окончување на војната, а не примирје“.
Иран го демантираше Трамп: САД не го контролираат Ормутскиот теснец
Тврдењата на американски опфицијални лица дека Ормутскиот теснец веќе не е блокиран се лага. Ормутскиот теснец останува блокиран и нема да биде отворен се додека не бидат прифатени условите на Иран, се наведува во соопштението на Техеран.
Колумбија: Најмалку 265 мртви во разурнувачкиот земјотрес, прогласена вонредна економска ситуација
Најмалку 265 луѓе се погинати, а близу 3.500 луѓе се повредени во земјотресот со силина од 7,4 степени според Рихтеровата скала што го погоди западот на Колумбија, соопшти денеска колумбискиот претседател Абелардо де ла Еспријела.