Поранешниот бугарски претседател Румен Радев со својата централно-левичарска „Прогресивна Бугарија“ е апсолутен победник на изборите во Бугарија со освоени 45 насто од гласовите. Резултатите од пребројувањето на гласовите сеуште не се конечни, но најверојатно е дека тој ќе освои 135 мандата во парламентот со 240 седишта и самиот ќе има мнозинство за формирање на влада.
Изборниот резултат навестува дека Бугарија ќе исплива од долгогодишната политичка криза, бидејќи во земјата за пет години дури осум пати се одржаа парламентарни избори, а бугарските влади беа резултат на неприродни коалиции и многу лесно паѓаа.
„Продолжуваме со промените“ на Асен Василев и „ГЕРБ“ на поранешнот премиер Бојко Борисов освоија по околу 13 насто од гласовите и секоја од нив ќе има помалку од 40 пратеници. Цензусот од 4 насто за влез во парламентот го надмина и националистичката „Взраждане“ со освоени 4,35 насто од гласовите.
Тој им вети на Бугарите решитална борба против корупцијата и ги поддржа антивладините протести во декември, кога поднесе оставка на функцијата претседател и формираше своја партија.
Румен Радев е познат по тврдите ставови во однос на преговорите со Македонија, беше противник на европската помош кон Украина и е обвинуван за блиски односи со Москва.
Слични новости
Европа ги проширува воено-безбедносните планови на Арктикот
Европските политичари се обидуваат да испратат сигнал до Вашингтон дека се способни самостојно да придонесат за заштита на американските интереси во поларниот регион, без да напаравт отстапки по прашањето на Гренланд.
Бура од реакции откако Илон Маск е наведен во преписки меѓу него и Епстин
Маск на својата социјална мрежа Икс наведе дека имал многу ограничена комуникација со Епстин и дека имал повеќекратни покани да го посети неговото острово или да патува со неговиот авион.
Министерството за правда на САД објави над 3 милиони документи и фотографии за случајот со Епстин
Објавените досиеја го содржат и нацрт обвинението од Флорида во 2000-та, кое укажува на соучесници на Епстин, чии имиња не се објавени, а кои планирале да наговорат, поттикнат и привлечат лица помлади од 18 години на проституција.