Министерството за правда на САД објави над 3 милиони документи и фотографии поврзани со секс скандалите во случајот Епстин, но напомена дека дел од материјалите содржи неосновани тврдења кои се поднесени на ФБИ непосредно пред претседателските избори во 2020, пренесе ЦБС.
Министерството за правда истакнува дека тврдењата не се потврдени и дека да имаат кредибилитет, веќе би биле користени против претседателот Трамп.
Објавените записи поттикнуваат од сусдските случаи против Епстин и неговата партнерка Гилен Мексвел, случајот на Флорида кој го истражува поранешниот батлер на Епстин, повеќекратните истраги на ФБИ и интерната истрага на министерството за правда за смртта на Епстин.
Државниот обвинител на САД Пем Бонди упати писмо до американскиот Конгрес во кое потврдува дека објавувањето на документацијата претставува завршување на процесот на идентификација и прегледи, со напомена дека министерството за правда преземало „невидени и опсежни напори“ за да се обезбеди транспарентност за јавноста.
Објавените досиеја го содржат и нацрт обвинението од Флорида во 2000-та, кое укажува на соучесници на Епстин, чии имиња не се објавени, а кои планирале да наговорат, поттикнат и привлечат лица помлади од 18 години на проституција.
Досијеата содржат вознемирувачки детали за сексуално злоставување на стотици жртви на Епстин, вклучуваќи и малолетни жртви.
Слични новости
Иранската војска повторно ја врати контролата врз Ормутскиот теснец
Иранската војска најави дека повторно ја презема контролата врз Ормускиот Теснец, објавија иранските државни медиуми. Иранската револуционерна гарда во соопштение наведе дека теснецот ќе се врати во претходната состојба и дека со подрачјето ќе управуваат вооружените сили.
Иран делумно го отвори воздушниот простор
Иран денеска делумно го отвори својот воздушен простор за меѓународни летови кои минуваат низ источниот дел од територијата на земјата. Техеран официјално соопшти дека „воздушните рути во источниот дел на земјата се отворени за летови кои транзитираат низ Иран“.
САД одобрија продажба на оружје во вредност од 10 милијарди долари за Германија
Одобрението, како што наведува Вашингтон е дел од зајакнувањето на капацитетите на НАТО сојузниците, пренесе германскиот весник „Шпигл“.