На повеќе од 60 проценти обработени гласачки места, актуелниот премиер Бенјамин Нетанјаху е во благо водство. Сепак, израелските медиуми предупредуваат дека до крајот на пребројувањето ситуацијата може да се смени, затоа што голем дел од обработените гласови доаѓаат од региони каде што Нетанјаху и неговата партија Ликуд, традиционално имаат силна поддршка.
Лидерот на опозицијата поранешниот начелник на Генералштабот на израелската армија Гади Ајзенкот денеска порача дека гласањето покажало оти мнозинството Израелци сакаат тој да си замине од власта.
Излезните анкети објавени синоќа по затворањето на гласачките места укажуваа на тесна победа на опозицијата.
На изборите во Израел имаше невообичаено висока излезност од дури 77 проценти, а посебно изненадување приредија и Израелските Арапи, кои исто така масовно излегоа на гласање. Тоа резултираше со рекорден број пратеници на Арапските партии во израелскиот Кнесет, што беше постигнато на сметка на помалите израелски партии кои поради високиот одзив не успеаја да го поминат изборниот праг од 3,25 проценти.
Се чини дека ниту Нетанјаху, ниту Ајзенкот нема да имаат доволен број пратеници за да формираат мнозинство, а и двајцата ја отфрлија можноста за коалицирање со партиите на Арапите.
Слични новости
Хутите го презедоа Мока и островот Перим, расте напнатоста вo Црвеното Море
Преземањето на Перим им дава на Хутите значително поголемо влијание врз Баб ел-Мандеб, теснецот што го поврзува Црвеното Море со Аденскиот Залив и претставува клучна рута кон Суецкиот Канал.
Во училиште во Загреб: Ученик со нож избодел друг ученик и жена
Ученикот кој ги предизвикал повредите е под полициски надзор. Во тек е кривична истрага и увид на лице место, соопшти Полициската управа во Загреб.
САД биле принудени да употребат повеќе од 60 ракети „Патриот“ за да одбијат ирански напад врз американска база во Јордан
Иранските ракети биле насочени кон воздугопловната база Мувафак Салти, позната и како базата Ал-Азрак во која се стационирани американски авиони и воен персонал. Милитарни наведува дека во нападот биле оштетени девет авиони на американското воено воздухопловство.