Нетанјаху и опозицијата со еднакви шанси за победа по 60 насто преброени гласачки ливчиња

На повеќе од 60 проценти обработени гласачки места, актуелниот премиер Бенјамин Нетанјаху е во благо водство. Сепак, израелските медиуми предупредуваат дека до крајот на пребројувањето ситуацијата може да се смени, затоа што голем дел од обработените гласови доаѓаат од региони каде што Нетанјаху и неговата партија Ликуд, традиционално имаат силна поддршка.

Лидерот на опозицијата поранешниот начелник на Генералштабот на израелската армија Гади Ајзенкот денеска порача дека гласањето покажало оти мнозинството Израелци сакаат тој да си замине од власта.

Излезните анкети објавени синоќа по затворањето на гласачките места укажуваа на тесна победа на опозицијата.

На изборите во Израел имаше невообичаено висока излезност од дури 77 проценти, а посебно изненадување приредија и Израелските Арапи, кои исто така масовно излегоа на гласање. Тоа резултираше со рекорден број пратеници на Арапските партии во израелскиот Кнесет, што беше постигнато на сметка на помалите израелски партии кои поради високиот одзив не успеаја да го поминат изборниот праг од 3,25 проценти.

Се чини дека ниту Нетанјаху, ниту Ајзенкот нема да имаат доволен број пратеници за да формираат мнозинство, а и двајцата ја отфрлија можноста за коалицирање со партиите на Арапите.

 

Слични новости

Умре жената чие исфрлување од станот доведе до протести и избори во Шпанија

Умре жената чие исфрлување од станот доведе до протести и избори во Шпанија

Марикармен Абискал 87-годишната жена која на 23 септември беше исфрлена од нејзиниот дом во Мадрид и стана симбол на масовните протести за подобрување на пристапот за добивање станови во Шпанија, почина во болница во Мадрид.