На повеќе од 60 проценти обработени гласачки места, актуелниот премиер Бенјамин Нетанјаху е во благо водство. Сепак, израелските медиуми предупредуваат дека до крајот на пребројувањето ситуацијата може да се смени, затоа што голем дел од обработените гласови доаѓаат од региони каде што Нетанјаху и неговата партија Ликуд, традиционално имаат силна поддршка.
Лидерот на опозицијата поранешниот начелник на Генералштабот на израелската армија Гади Ајзенкот денеска порача дека гласањето покажало оти мнозинството Израелци сакаат тој да си замине од власта.
Излезните анкети објавени синоќа по затворањето на гласачките места укажуваа на тесна победа на опозицијата.
На изборите во Израел имаше невообичаено висока излезност од дури 77 проценти, а посебно изненадување приредија и Израелските Арапи, кои исто така масовно излегоа на гласање. Тоа резултираше со рекорден број пратеници на Арапските партии во израелскиот Кнесет, што беше постигнато на сметка на помалите израелски партии кои поради високиот одзив не успеаја да го поминат изборниот праг од 3,25 проценти.
Се чини дека ниту Нетанјаху, ниту Ајзенкот нема да имаат доволен број пратеници за да формираат мнозинство, а и двајцата ја отфрлија можноста за коалицирање со партиите на Арапите.
Слични новости
Над 60 мртви и повеќе од 179 повредени во судирот меѓу двата воза во Шпанија, човечка грешка причина за трагедијата
Најмалку 64 лица загинаа, а повеќе од 179 се повредени во судирот на двата воза утрово во Урда, во покраината Толедо, на линијата Мадрид-Севиља, покажуваат најновите податоци од Службата за цивилна заштита во Кастиља-Ла Манча
Дачиќ прогласи „црвено ниво на терористичка закана“ во Србија по нападот врз израелската амбасада во Белград
Се претпоставува дека, младиот човек кој е осомничен за нападот врз израелската амбасада во Белград е од Шабац, а според Министерството за внатрешни работи, тој го нападнал припадникот на Жандармеријата со два ножа, извикувајќи „Алаху Акбар“.
Светската банка прогнозира забрзување на растот на западен Балкан
Според проекциите просечната стапка на раст во Србија, Албанија, Босна, Македонија и Црна Гора ќе достигне до 3,1 насто во 2026, што претставува зголемување од 2,6 насто колку што беше растот во 2025.