Иранскиот корпус на Исламската револуционерна гарда соопшти дека целта на нивните напади била американската Петта флота во Бахреин. Но ирански ракети биле пресретнувани и во Јордан и Кувајт.
Јорданската армија соопшти дека нејзините системи за противвоздушна одбрана пресретнале и собориле пет ракети кои биле лансирани од Иран, пренесе Ал Џезаира. Во соопштението на војската на Јордан се наведува дека пресретнувањето на иранските ракети во воздухот предизвикале пад на делови од ракетите, но дека нема жртви.
Генералштабот на кувајстката армија утринава соопшти дека противвоздушната одбрана на оваа земја „во моментов пресретнува непријателски воздушни мети“.
Кувајтската армија го повика населението да се придржува до безбедносните упатства и да се потпираат на информациите од овластени официјални извори.
Иранската гарда соопшти дека освен Петтата американска флота во Бахреин, била нападната и американската база во Јордан со ракети од долг дострел.
Иранците наведуваат дека иранските ракети погодиле и уништиле четири критични мети во базата во Јордан, вклучувајќи ги и хангарите за борбените авиони Ф-35 и главниот команден и контролен центар.
Иранската гарда истакна дека денешните ракетни напади се дел од поширока операција на одмазда во која се погодени 21 мета на различни американски воени и воздухопловни бази во регионот.
Слични новости
Најмалку 132 мигранти спасени од морето во близина на Крит
Во втората операција крајбрежната стража спасила најмалку 84 луѓе од друг чамец кој се наоѓал на 33 наутички милји од Крит. Сите мигранти потоа безбедно биле префрлени во пристаништитето Кали Лименес.
Падна американски хеликоптер „Апачи“ во близина на Иран
Американски воен хеликоптер АХ-64 Апачи се урна во близина на Ормутскиот теснец, а двајцата членови на екипажот се спасени, јави Њујорк тајмс, кој пишува дека причината за падот на американскиот хеликоптер засега не е позната.
Цената на нафтата падна по прекинот на нападите на Блискиот исток
Според податоците на берзите, цената на сировата нафта падна за 1,34 насто на 90 долари за барел, а цената на нафтата Брент за 1,08 насто на 93,3 долари за барел.