Иранскиот корпус на Исламската револуционерна гарда соопшти дека целта на нивните напади била американската Петта флота во Бахреин. Но ирански ракети биле пресретнувани и во Јордан и Кувајт.
Јорданската армија соопшти дека нејзините системи за противвоздушна одбрана пресретнале и собориле пет ракети кои биле лансирани од Иран, пренесе Ал Џезаира. Во соопштението на војската на Јордан се наведува дека пресретнувањето на иранските ракети во воздухот предизвикале пад на делови од ракетите, но дека нема жртви.
Генералштабот на кувајстката армија утринава соопшти дека противвоздушната одбрана на оваа земја „во моментов пресретнува непријателски воздушни мети“.
Кувајтската армија го повика населението да се придржува до безбедносните упатства и да се потпираат на информациите од овластени официјални извори.
Иранската гарда соопшти дека освен Петтата американска флота во Бахреин, била нападната и американската база во Јордан со ракети од долг дострел.
Иранците наведуваат дека иранските ракети погодиле и уништиле четири критични мети во базата во Јордан, вклучувајќи ги и хангарите за борбените авиони Ф-35 и главниот команден и контролен центар.
Иранската гарда истакна дека денешните ракетни напади се дел од поширока операција на одмазда во која се погодени 21 мета на различни американски воени и воздухопловни бази во регионот.
Слични новости
Денеска почнува Светското првенство во фудбал
Денеска стратува Светското првенство во фудбал 2026, чии домаќини се САД, Канада и Мексико. Со натпреварот Мексико – Јужна Африка вечерва во 21 часот почнува фудбалската светска треска.
Трамп разочаран од Израел
Американскиот претседател Доналд Трамп е се понезадоволен од постапките на Израел, за кои Вашингтон смета дека може да ги отжнат преговорите со Иран и дополнително да ги подигнат тензиите на Блискиот исток, пишува Политико повикувајќи се на извори во Белата куќа.
Америка ги нападна иранските радари и системи на противвоздушна одбрана кај Ормутскиот теснец по соборувањето на хеликоптерот Апачи
САД изведоа нова серија удари врз иранските воени позиции во близина на Ормутскиот теснец, по соборувањето на американскиот хеликоптер АН-64 Апачи кај Ормутскиот теснец.