Иранскиот корпус на Исламската револуционерна гарда соопшти дека целта на нивните напади била американската Петта флота во Бахреин. Но ирански ракети биле пресретнувани и во Јордан и Кувајт.
Јорданската армија соопшти дека нејзините системи за противвоздушна одбрана пресретнале и собориле пет ракети кои биле лансирани од Иран, пренесе Ал Џезаира. Во соопштението на војската на Јордан се наведува дека пресретнувањето на иранските ракети во воздухот предизвикале пад на делови од ракетите, но дека нема жртви.
Генералштабот на кувајстката армија утринава соопшти дека противвоздушната одбрана на оваа земја „во моментов пресретнува непријателски воздушни мети“.
Кувајтската армија го повика населението да се придржува до безбедносните упатства и да се потпираат на информациите од овластени официјални извори.
Иранската гарда соопшти дека освен Петтата американска флота во Бахреин, била нападната и американската база во Јордан со ракети од долг дострел.
Иранците наведуваат дека иранските ракети погодиле и уништиле четири критични мети во базата во Јордан, вклучувајќи ги и хангарите за борбените авиони Ф-35 и главниот команден и контролен центар.
Иранската гарда истакна дека денешните ракетни напади се дел од поширока операција на одмазда во која се погодени 21 мета на различни американски воени и воздухопловни бази во регионот.
Слични новости
Трамп: Договорот со Иран е „многу силен меморандум за разбирање“, ќе биде потпишан во Европа
Претседателот на САД Доналд Трамп изјави дека САД се блиску до потпишување договор со Иран за завршување на војната, а договорот ќе биде потпишан во Европа, во наредните денови.
Српскиот претседател Александар Вучиќ најави оставка на претседателската функција
Српскиот претседател Александар Вучиќ изјави дека во следните три до четири месеци, или можеби и порано, ќе поднесе оставка, нагласувајќи дека тоа ќе биде дел од пошироки политички промени во земјата.
Продолжуваат нападите меѓу САД и Иран
САД и Иран втор ден по ред разменија напади на Блискиот Исток, дополнително зголемувајќи ги тензиите и покрај прекинот на огнот договорен во април. Американската Централна команда соопшти дека извела напади врз воени, радарски и надзорни цели во јужен Иран.