„Њујорк тајмс“ тврди дека новиот врговен водач на Иран Моџтаба Хамнеи го одобрил пакистанскиот предлог за двонеделен прекин на огнот по интензивни дипломатски преговори. „Њујорк тајмс“ пишува дека клучна улога во посредувањето имала Кина во последен момент.
Врховниот совет за национална безбедност на Иран соопшти дека „САД биле принудени да го прифатат иранскиот предлог од 10 точки кој вклучува фундаментална посветеност на неагресијата, одржување на иранската контрола врз Ормутскиот теднец, признавање на правото на Иран да збогатува ураниум, укинување на сите примарни и секундарни санкции и компензација за Иран“.
Предлогот на Иран содржи и „укинување на сите резолуции на Советот за безбедност на ОН и повлекување на американските борбени сили од регионот и крај на војната на сите фронтови, вклучувајќи ја и војната против Хезболах во Либан“.
Техеран соопшти дека Иран и САД на 10 април ќе одржат разговори во Исламабад„за да ги финализираат деталите и да ги потврдат политичките достигнувања на Иран на бојното поле“. Техеран додаде дека противникот сознал дека нема никакви шанси да победи.
Министерот за надворешни работи на Иран Абас Аракчи појасни дека во рок од две недели ќе биде осигуран безбеден проток низ Ормутскиот теснец.
Си Ен Ен наведува дека и Израел прифатил двонеделно примирје и дека ќе го прекине бомбардирањето додека траат преговорите.
Слични новости
Евакуација на 40.000 луѓе во Калифорнија поради истекување на опасна хемикалија
Околу 40.000 жители во американската сојузна држава Калифорнија добија наредба за итна евакуација од своите домови поради големо истекување на опасна хемиско супстанца, која може да предизвика експлозија и да формира отровен облак над густо населено подрачје.
Студентите во Србија организираат нов протест за демократизација на Србија и вонредни избори
Студентите во Србија ги повикаа граѓаните на Србија на денешниот голем протестен митинг во Белград под мотото „Ти и јас, Славија“, како дел од кампањата „Студентите победуваат“, од каде ќе побараат одржување вонредни парламентарни избори и демократизација на земјата.
Бројот на жртви се искачи на 90 по експлозија на гас во рудник во Кина
Речиси 250 луѓе работеле под земја во рудникот кога се случила експлозијата. Стотици спасувачи се испратени на местото на настанот. Снимките од државните медиуми покажуваат болничари како носат носилки на местото, а во позадина се гледаат амбулантни возила.