„Њујорк тајмс“ тврди дека новиот врговен водач на Иран Моџтаба Хамнеи го одобрил пакистанскиот предлог за двонеделен прекин на огнот по интензивни дипломатски преговори. „Њујорк тајмс“ пишува дека клучна улога во посредувањето имала Кина во последен момент.
Врховниот совет за национална безбедност на Иран соопшти дека „САД биле принудени да го прифатат иранскиот предлог од 10 точки кој вклучува фундаментална посветеност на неагресијата, одржување на иранската контрола врз Ормутскиот теднец, признавање на правото на Иран да збогатува ураниум, укинување на сите примарни и секундарни санкции и компензација за Иран“.
Предлогот на Иран содржи и „укинување на сите резолуции на Советот за безбедност на ОН и повлекување на американските борбени сили од регионот и крај на војната на сите фронтови, вклучувајќи ја и војната против Хезболах во Либан“.
Техеран соопшти дека Иран и САД на 10 април ќе одржат разговори во Исламабад„за да ги финализираат деталите и да ги потврдат политичките достигнувања на Иран на бојното поле“. Техеран додаде дека противникот сознал дека нема никакви шанси да победи.
Министерот за надворешни работи на Иран Абас Аракчи појасни дека во рок од две недели ќе биде осигуран безбеден проток низ Ормутскиот теснец.
Си Ен Ен наведува дека и Израел прифатил двонеделно примирје и дека ќе го прекине бомбардирањето додека траат преговорите.
Слични новости
Војната и недовербата на населението го отежнуваат запирањето на епидемојата на ебола во Конго
Епидемијата на ебола во источниот дел на Конго се прошири на нови подрачја, вклучувајќи ги и зоните во кои дејствуваат оружените групи, што дополнително им отежнува на здравствените власти и меѓународните организации да го следат синџирот на ширење на заразата од вирусот и да организираат ефикасен одговор.
Цените на нафтата денеска скокнаа по новите напади на САД врз Иран
Денеска на берзите барел нафта од типот Брент е поскап за 3,05 проценти и се продава за 93,9 долари по барел, а цената на американската сурова нафта поскапе за 3,3 проценти и се продава за 90,2 долари за барел.
Путин: Војната во Украина се ближи кон крајот
Претседателот на Русија Владимир Путин изјави дека ситуацијата на фронтот во Украина дава основа да се каже дека војната во Украина се приближува кон крајот. Путин сепак рече дека не е можно да се одредат специфични датуми за окончување на конфликтот