„Њујорк тајмс“ тврди дека новиот врговен водач на Иран Моџтаба Хамнеи го одобрил пакистанскиот предлог за двонеделен прекин на огнот по интензивни дипломатски преговори. „Њујорк тајмс“ пишува дека клучна улога во посредувањето имала Кина во последен момент.
Врховниот совет за национална безбедност на Иран соопшти дека „САД биле принудени да го прифатат иранскиот предлог од 10 точки кој вклучува фундаментална посветеност на неагресијата, одржување на иранската контрола врз Ормутскиот теднец, признавање на правото на Иран да збогатува ураниум, укинување на сите примарни и секундарни санкции и компензација за Иран“.
Предлогот на Иран содржи и „укинување на сите резолуции на Советот за безбедност на ОН и повлекување на американските борбени сили од регионот и крај на војната на сите фронтови, вклучувајќи ја и војната против Хезболах во Либан“.
Техеран соопшти дека Иран и САД на 10 април ќе одржат разговори во Исламабад„за да ги финализираат деталите и да ги потврдат политичките достигнувања на Иран на бојното поле“. Техеран додаде дека противникот сознал дека нема никакви шанси да победи.
Министерот за надворешни работи на Иран Абас Аракчи појасни дека во рок од две недели ќе биде осигуран безбеден проток низ Ормутскиот теснец.
Си Ен Ен наведува дека и Израел прифатил двонеделно примирје и дека ќе го прекине бомбардирањето додека траат преговорите.
Слични новости
Иран и САД не постигнаа договор за завршување на војната, но разликите се намалени
Иран и САД сеуште не постигнаа договор за завршување на војната, но разликите меѓу Вашингтон и Техеран се сепак намалени, изјави висок ирански извор за Ројтерс. Меѓу спорните точки остануваат иранското збогатување на ураниум и контролата врз Ормутскиот теснец.
Трамп најави дополнителни 5.000 американски војници во Полска
Соединетите Американски Држави ќе испратат дополнителни 5.000 војници во Полска, соопшти американскиот претседател Доналд Трамп. Оваа најава на Трамп доаѓа по само два дена откако потпретседателот Џеј Ди Венс пред новинарите изјави дека распоредувањето на американските сили во Полска се одложува.
Петер Маѓар им ги одзеде отпремнините на поранешните министри и на Орбан
Новиот унгарски премиер Петер Маѓар одби да ја потпише документацијата за исплата на со закон предвидените отпремнини за министрите од поранешната влада на Виктор Орбан