Иранската војска најави дека повторно ја презема контролата врз Ормускиот Теснец, објавија иранските државни медиуми. Иранската револуционерна гарда во соопштение наведе дека теснецот ќе се врати во претходната состојба и дека со подрачјето ќе управуваат вооружените сили.
Оваа одлука доаѓа откако претходно беше забележано движење на дел од транспортните бродови низ овој воден пат. Податоците од страницата за следење „Марин трафик“ покажаа дека низ клучниот коридор поминувале неколку пловила за транспорт на нафта, течен гас и хемикалии, но не е јасно колкав дел од сообраќајот успеал да помине низ овој стратешки важен премин.
Во военото соопштение, САД се обвинети за пиратство, со тврдење дека блокадата на иранските пристаништа претставува поморски грабеж.
Техеран и претходно предупреди дека ќе го затвори теснецот доколку Вашингтон продолжи со блокадата. Спикерот на иранскиот парламент, Мохамад Багер Галибаф, кој учествуваше во преговорите минатиот викенд, изјави дека теснецот нема да остане отворен доколку не се прекине блокадата на земјата.
Американскиот претседател Доналд Трамп претходно изјави дека денеска е одличен ден за светот бидејќи Иран го прогласил теснецот за отворен. Тој додаде дека блокадата на пристаништата ќе остане во полна сила додека не се заврши целосно договорот за крај на војната.
Слични новости
Њујорк тајмс: Трамп го заврши состанокот за спогодбата со Иран без да биде донесена одлука
Состанокот на американскиот претседател Доналд Трамп со советниците за национална безбедност за спогодбата со Иран е завршен по два часа, без да биде донесена одлука, изјави висок претставник на американската администрација за „Њујорк тајмс“.
Софија ги ескалира односите со Вашингтон поради визите
Бугарија ќе дозволи американските воени авиони да останат на нејзина територија, како членка на НАТО до крајот на јуни, иако САД сеуште не одговорија на барањето за безвизен режим за бугарските граѓани, изјави премиерот Румен Радев.
САД подготвиле сили за напад врз Куба
Според пишувањето на „политико“ Пентагон со месеци распоредува трупи и воена техника за можна воена операција против Куба, а за покренување на акцијата недостига само конечната одлука на американскиот претседател Доналд Трамп.