Поранешниот вицепремиер Артан Груби денеска седна на обвинителна клупа, но рочиштето се одложи за 7 септември за одбраната да направи увид во доказите. Во случајот за слоупотреби во Државна лотарија, покрај Груби, се гонат уште седум лица, меѓу кои и екс директор на друштвото Перпарим Бајрами кој сè уште е во бегство.
Подготвени се осум кутии за докази за секој обвинет. Судијката Шуплиновска Јовевски изјави дека со оглед дека на обвинетите и нивните бранители им треба време за увид во доказите, подготовка на одбраната и достава на листа со нивни докази, главната расправа се одложи.
Бајрами, Груби и останатите се обвинети дека во текот на 2023 и 2024 презеле дејства со кои ги пречекориле своите посебни овластувања и должности и нанеле штета на „Државна лотарија“ во вредност од 507.632.173 милиони денари. На сите обвинети им се става на товар кривичното дело злоупотреба на службената положба и овластување за кое е предвидена затворска казна од најмногу пет години.
Слични новости
Газдата на „Пулс“ Дејан Јованов доби нов притвор
Обвинитеството отвори нова истрага против која сопственикот на дискотеката Пулс во Кочани во која изгореа 64 млади луѓе, Дејан Јованов Деко, со која тој и натаму ќе остане во притвор.
Македонија ќе испрати дипломатска нота до Софија за билатерална средба – најави премиерот по средбата со Фон дер Лајен
Од претседателката добив совет, веќе следната недела , да побараме од Софија средба на билатерална основа, изјави премиерот Мицкоски.
Посета на Урсула Фон Дер Лајен на Скопје, тема проширувањето на ЕУ
Посетата на Фон Дер Лајен на Западниот Балкан доаѓа во период кога ЕУ ја ревидира политиката на ЕУ кон проширувањето со Западен Балкан, како и со Украина и Молдавија.