Ројтерс јави дека за пет дена од операцијата „Епски бес“ против Иран САД потрошија повеќе далекуметни ракети од вкупната бројка што САД и ги има испратено на Украина за 4 години војна. Ројтерс пренесе и дека на американската војска почнува да се соочува со недостиг на крстосувачки ракети од типот „Томахавк“.
Американскиот претседател Доналд Трамп, пак, тврди дека залихите на американско оружје се речиси неограничени и дека има доволно муниција за „вечна војна“ и големи победи.
Во меѓувреме Трамп ги повика шефовите на водечките воени компании во Белата куќа за да им нареди да го зголемат производството. Ројтерс јавува дека на средбата во Белата куќа закажана за во петок треба да присуствуваат и директорите на компаниите „Локид Мартин“ и „Рејтион“ што ги произведуваат ракетите „Томахавк“.
Според податоците што досега ги има објавено американската Централна комада досега врз Иран се испукани над 400 ракети „Томахавк“, што е рамно на петгодишното производство на овие крстосувачки ракети.
Со ова темпо, можно е на бродовите и подморниците во регионот да им снема крстосувачки ракети веќе за три дена, предупредува Ројтерс.
Слични новости
Сирени се огласија над Кувајт, САД со напади врз иранските воени објекти
Сирени и експлозии од воздушната одбрана се слушаат утрово над Кувајт Сити. Кувајт објави дека неговата воздушна одбрана отворила оган за да пресретне дојдовен бараж од ирански беспилотни летала и ракети.
САД и Иран повторно со меѓусебни напади
САД соопштија дека викендов извеле напади врз ирански воени цели, додека Техеран тврди дека возвратил со напад врз американска воена база. Ова претставува трета позната ескалација во последната недела во областа на Ормутскиот Теснец, пренесува Би Би Си.
Војната и недовербата на населението го отежнуваат запирањето на епидемојата на ебола во Конго
Епидемијата на ебола во источниот дел на Конго се прошири на нови подрачја, вклучувајќи ги и зоните во кои дејствуваат оружените групи, што дополнително им отежнува на здравствените власти и меѓународните организации да го следат синџирот на ширење на заразата од вирусот и да организираат ефикасен одговор.