Британската управа за заштита на конкуренцијата и пазарот соопшти дека започна истрага за купувањето на Ворнер од страна на Парамаунт вредно 110 милијарди долари. Истрагата ќе утврди дали трансакцијата би можела значајно да ја наруши конкуренцијата на пазарот на Обединетото кралство, пренесе Телеграф.
Британската управа од 7-ми август ќе донесе одлука дали случајот ќе го упати во втора, подетална фаза на регулаторни проверки.
Доколку биде реализирано спојувањето на Ворнер и Парамаунт, тоа ќе создаде медиумски гигант кој ќе ги обедини телевизиските студија, телевизиските мрежи и стриминг сервисите меѓу кои се Парамаунт +, ХБО Макс, Чанел 5 и ТНТ Спортс.
На тој начин би дошло до најголемото преобликување на холивудската индустрија во последните децении.
Слични новости
„Скери муви“ прв на американскиот Бокс офис
По повеќе од една деценија се појави шестиот филм од франшизата „Скери муви“ кој ја потврда силината на оваа франшиза, освојувајќи го убедливо првото место на американскиот Бокс офис овој викенд со заработка од 55 милиони долари.
Филмот „Галаксијата на Супер Марио“ стана првиот филм во 2026 што заработи над една милијарда долари
Анимираниот филм „Галаксијата на Супер Марио“ направен според популарната видео игра, стана првиот филм во 2026 што ја надмина добивката од една милијарда долари на Бокс офисот.
Меги Гиленхал и Џеси Еизенберг добија почесни награди на филмскиот фестивал во Карлови Вари
На јубилејното 6о-то издание на филмскиот фестивал во Карлови Вари идниот месец почесните награди ќе им бидат доделени на актери Меги Гиленхал и Џеси Еизенберг.