Администрацијата на Доналд Трамп разгледува што би значел за економијата потенцијален скок на цените на нафтата и до 200 долари по барел, според извори запознаени со ситуацијата, што укажува дека високите функционери ги анализираат можните последици од екстремни сценарија во војната со Иран, објави Блумберг.
Целта на анализата е американската администрација да биде подготвена за сите исходи, вклучувајќи и долготраен конфликт.
Цените на нафтата пораснаа откако САД и Израел го нападнаа Иран на 28 февруари – американската референтна нафта ВТИ (WTI) скокна околу 30 отсто, на 91 долар по барел, додека брентот во истиот период порасна речиси 40 отсто, на околу 102 долара.
Белата куќа во средата соопшти дека дипломатските напори за ставање крај на војната сè уште траат, и покрај јавното одбивање на Иран да одговори на иницијативата на Доналд Трамп за преговори, со закани за понатамошна воена акција доколку не се постигне договор.
Администрацијата планирала воената операција да трае меѓу четири и шест недели, соопшти Белата куќа.
Министерот за енергетика Крис Рајт на 12 март изјави дека скок на цената на нафтата на 200 долари е „малку веројатен“. Сепак, тоа би претставувало огромен шок за светската економија – реално гледано, цената го достигнала тоа ниво само еднаш во последниот половина век, во 2008 година, непосредно пред светската финансиска криза.
Слични новости
Цените на горивата во ЕУ во април зголемени за 20,8 насто
Цените на горивата во Европската Унија продолжија да растат и во април, со годишно зголемување од 20,8 проценти, покажуваат податоците на Евростат.
Владата ја продолжи мерката за намалување на акцизите на нафтените деривати до 15 јуни
Владата соопшти дека „со овие мерки и согласно нашите пресметки очекуваме цената на дизел горивото да се намали за 6,5 денари по литар, додека цената на бензините ќе биде намалена за 1,5 денар по литар“.
Акциите на компанијата Дел скокнаа за 30 насто во еден ден поради побарувачката за сервери за вештачка интелигенција
Американската компанија оствари приход само од серверите за вештачка интелигенција од 16,1 милијарда долари. Со тоа за прв пат серверите за вештачка интелигенција го надминаа приходот од серверите за персонални компјутери кои изнесуваат 14,6 милијарди долари, пренесе Ројтерс.