Досегашниот претседател на Регулаторната комисија за енергетика си поднесе оставка. Тој утрово преку писмо го информирал претседателот на Собранието дека се повлекува од функцијата на која за првпат беше избран во јуни 2018 година.
Бислимоски во оставката не ги навел причините за повлекувањето.
Неодамна Управата за финансиска полиција му поднесе кривична пријава за злоупотреба на службената положба и овластување.
Во пријавата поднесена на 29 јануари се наведува дека Бислимоски не постапил според Законот за енергетика и не ја одзел навреме лиценцата на компанијата „Тритерол петрол“ ДООЕЛ Скопје, иако не ги исполнувала условите за трговија со нафта и горива.
Лиценцата наводно требало да биде одземена во јануари 2024 година, но постапката била прекината со незаконско решение и лиценцата е одземена дури во април 2025 година.
Тоа и овозможило на компанијата да работи уште околу 15 месеци и за тој период остварила промет од над 3,15 милиони евра и противправна имотна корист од околу 229 илјади евра.
Бислимоски тогаш на прес-конференција рече дека ќе им ги стави на располагање сите информации на надлежните институции, со цел да докаже дека во постапката за одземање на лиценцата на компанијата не било направено никакво прекршување на законската регулатива.
Слични новости
Нови американски напади врз Иран
САД извршија нови воздушни напади врз воена локација во иранскиот град Бандар Абас, стратешко пристаниште во близина на Ормутскиот Теснец.
Според американската Централна команда, целта била уништена непосредно пред да биде лансиран дрон, а американските сили собориле уште четири ирански беспилотни летала кои претставувале закана во регионот.
Американските берзи во плус поради оптимизмот за договор со Иран
Оптимизмот околу можен договор за прекин на конфликтот со Иран позитивно влијаеше врз финансиските пазари.
Граѓаните со перцепција за „погрешна насока“ на државата
Анкетата, спроведена на 1.002 испитаници од 27 февруари до 10 март 2026 година, покажува дека 51% од граѓаните сметаат дека животот во државата оди во погрешна насока.