Претседателот на САД Доналд Трамп изјави дека САД ќе покренат операција за безбедно извлекување на бродовите од Ормутскиот теснец. На својата мрежа „Трут соушал“ Трамп наведе дека станува збор за хуманитарна иницајатива за земјите кои не се вклучени во конфликтот на Блискиот исток.
Американскиот претседател наведе дека многубројни држави побарале помош од Америка за нивните бродови кои се блокирани во Ормутскиот теснец.
Државите кои немаат никаква врска со актуелниот конфликт побарале нивните бродови кои се блокирани во теснецот безбедно да бидат извлечени.
„Ги известивме државите дека нивните бродови безбедно ќе ги спроведеме низ ограничени води за да можат да продолжат со нивната работа“. Тој додаде дека наложил да се стори се што е можно за тие бродови и нивните посади безбедно да го напуштат теснецот и да продолжат со пловидба.
Слични новости
Трамп: САД имаат речиси неограничени залихи на муниција
Американскиот претседател Доналд Трамп изјави дека залихите на муниција на САД се на високо ниво и дека „никогаш не биле повисоки и подобри“, односно дека се практично неограничени.
Американската амбасада во Саудиска Арабија погодена со дронови
Во амбасадата избувнал „ограничен пожар“, предизвикувајќи помала материјална штета, соопшти Министерството за одбрана на Саудиска Арабија. Дополнителни осум дронови биле пресретнати и уништени во близина на Ријад и Ал-Карџ.
Блискиот исток на раб на целосна војна, нови напади и жртви утрово
Израелските одбранбени сили утрово извршија нов бран воздушни напади врз главниот град Техеран. Сведоци известуваат за силни експлозии и чад над градот, додека израелскиот премиер Бенјамин Нетанјаху вети дека нападите ќе се интензивираат во наредните денови.