Поранешниот претседател на државата, Стево Пендаровски испрати порака до раководството на неговата СДСМ – дека партијата се наоѓа на сериозен крстопат и дека без длабоки промени може да се соочи со понатамошен пад, па дури и со политичка маргинализација.
Пендаровски во изјавата оценува дека актуелната политичка состојба покажува парадокс – иако владејачката коалиција предводена од ВМРО-ДПМНЕ загубила дел од традиционалната поддршка, СДСМ не успеала да го искористи тоа и да го канализира опозиционото расположение кај гласачите.
Кога не успеавте тоа да го направите, рецептите се јасни – или ја менувате политичката стратегија и пристапот кон граѓаните, или носите нови луѓе кои ќе знаат да допрат до различни слоеви од гласачкото тело – вели Пендаровски.
Со ова, поранешниот претседател директно укажува дека проблемот не е во комуникацијата, туку во суштината на политичкото делување – односно во стратегијата, кадровската поставеност и начинот на кој партијата се обраќа до јавноста.
Пендаровски предупредува дека со актуелниот тренд на пад на поддршката, СДСМ може да се соочи со уште полош резултат на следните избори.
-Постои реална опасност партијата да оди кон исчезнување или да влезе во статистичка маргина на грешка – вели тој.
Слични новости
Претседателот на Швајцарија во посета на Македонија
Претседателката Гордана Сиљановска-Давкова денеска ќе го пречека претседателот на Швајцарската Конфедерација, Ги Пармелан, кој престојува во официјална посета на земјава.
Денеска пресуда за Штекли и уште четворицата обвинети во предмет за шверц на дрога
Во Основниот кривичен суд Скопје денеска ќе биде објавена пресудата за предметот против Раде Трајковски–Штекли и уште четворица обвинети, поврзан со организирана криминална група за неовластено производство и трговија со кокаин и марихуана.
Собранието расправа за укинување на техничката влада
Собранието на Македонија ќе расправа за законските измени со кои се предвидува укинување на техничката влада. Покрај ова, пратениците расправаат и за други законски измени, меѓу кои и услов пратениците да имаат само едно државјанство.