Собранието на Македонија ќе расправа за законските измени со кои се предвидува укинување на техничката влада. Предлогот, кој го образложи заменик-министерот за јавна администрација Лазе Јаќимоски, има цел да ја замени постојната преодна влада со постабилен и појасен институционален модел.
Според образложението, техничката влада била воведена како привремено решение во 2015 година за надминување на политичка криза и за обезбедување фер изборни процеси, првпат применета на изборите во 2016 година.
Со новите измени се предлага таа да остане само до објавување на конечните изборни резултати, по што би се укинала како модел.
Покрај ова, пратениците расправаат и за други законски измени, меѓу кои и услов пратениците да имаат само едно државјанство.
Слични новости
Претседателот на Швајцарија во посета на Македонија
Претседателката Гордана Сиљановска-Давкова денеска ќе го пречека претседателот на Швајцарската Конфедерација, Ги Пармелан, кој престојува во официјална посета на земјава.
Денеска пресуда за Штекли и уште четворицата обвинети во предмет за шверц на дрога
Во Основниот кривичен суд Скопје денеска ќе биде објавена пресудата за предметот против Раде Трајковски–Штекли и уште четворица обвинети, поврзан со организирана криминална група за неовластено производство и трговија со кокаин и марихуана.
Избори за ректор на УКИМ
Наставно-научниот кадар на секоја од единиците во состав на Универзитетот „Св. Кирил и Методиј“ – Скопје, денеска со тајно гласање ќе избира помеѓу двајцата кандидати за нов ректор на УКИМ – Биљана Ангелова и Дарко Данев.