Македонија е со пад од 3 места, од 42 на 45, во Индексот за слобода на медиумите на „Репортери без граници“. Таа се наоѓа во групата земји каде ситуацијата со медиумите е „проблематична“.
Од регионот, во групата земји со „задоволителна“ состојба се само Словенија (36) и Црна Гора (41). Хрватска (53) е во групата со „проблематична“, како и Бугарија (71).
Албанија (83) и Грција (86).
Босна и Херцеговина (90) и Србија (104) се во категоријата „тешка“ состојба.
Норвешка е на првото место десетта година по ред, додека Еритреја е на последното место трета година по ред.
Оценката за Македонија „проблематична“ е иста како и минатата година и земјата има пад во сите 5 индикатори:
„Иако новинарите не работат во непријателско опкружување, широко распространетите дезинформации и недостатокот на професионализам придонесуваат за опаѓање на довербата на општеството во медиумите, што ги изложува независните медиуми на закани и напади. Исто така, владините функционери имаат тенденција да имаат лоши и понижувачки ставови кон новинарите“, се вели во извештајот на Репортери без граници.
Во извештајот на „Репортери без граници“ пишува дека потребни се ефективни мерки за заштита на новинарите почнувајќи со ставање крај на криминализацијата на новинарството.
Слични новости
Предложен притвор за косовски државјанин за тешката сообраќајна несреќа на скопската обиколница
Осомничениот 76-годишник управувал товарно возилo „МАН“ со прикачена полуприколка со косовски регистарски таблички, по северната обиколница на град Скопје во насока од запад кон исток. Притоа, не се придржувал кон прописите и со тоа го загрозил јавниот сообраќај и го довел во опасност животот на луѓето.
Иран и САД не постигнаа договор за завршување на војната, но разликите се намалени
Иран и САД сеуште не постигнаа договор за завршување на војната, но разликите меѓу Вашингтон и Техеран се сепак намалени, изјави висок ирански извор за Ројтерс. Меѓу спорните точки остануваат иранското збогатување на ураниум и контролата врз Ормутскиот теснец.
Во Македонија денеска се очекува невреме
Во повеќе делови од Македонија денеска се очекува нестабилно време, а локално процесите може да бидат поинтензивни – со обилен дожд, електрични празнења, ветер над 60 километри на час и можност за појава на град.