Британците денес почнаа панично да купуваат бензин поради војната на Блискиот Исток, со долги редици на бензинските пумпи во Лондон и низ цела Велика Британија, бидејќи возачите брзаа да наполнат гориво пред очекуваниот скок на цените на горивата.
Бензиските пумпи во Бекенам, јужен Лондон привремено останаа без гориво, а многу возачи пристигнуваа со канистри за да се снабдат за подолг временски период.
Стравот од недостиг на гориво е забележлив и во други градови во Велика Британија, објавува „Дејли меил“.
Претставниците на британската автомобилска асоцијација АА ги повикаа возачите да не паничат и да не купуваат гориво во големи количини, но голем број граѓани го игнорираа овој апел. Вработените на бензинските пумпи во Велика Британија пријавуваат застој и хаотично снабдување.
Ситуацијата беше предизвикана од разгорувањето на конфликтите на Блискиот Исток, по што компаниите привремено го прекинаа транспортот на бродови преку Ормускиот теснец, кој е клучен пат за глобалниот транспорт на нафта и течен природен гас. Околу 20 проценти од светската нафта и 25 проценти од течниот гас минуваат низ оваа рута, а блокадата или прекинот на транспортот веднаш влијае на цените на енергетските производи.
Аналитичарите предупредуваат дека долгорочната блокада на Ормускиот теснец може да предизвика хаос на европскиот пазар на гас и да предизвика драстичен пораст на цените.
Слични новости
Електронските цигари и тутунските производи сè попопуларни меѓу младите во Европа
Европа
И покрај опаѓањето на пушењето тутун, младите Европјани се поттикнати сè повеќе да користат електронски цигари и нови ароматизирани производи со никотин, предупреди Одделот на Светската здравствена организација за Европскиот регион, пренесе Јуроњуз.
Парамаунт ќе го купува Ворнер Брос, Нетфликс се откажа
Извршните директори на Нетфликс изјавија дека нема да се обидат да ја надминат понудата на „Парамаунт“, велејќи дека договорот по таа цена веќе не е финансиски привлечен.
Компанијата на Доналд Трамп ќе гради небодер во Австралија вреден 900 милиони евра
Американската компанија во сопственост на американскиот претседател Доналд Трамп потпиша договор за изгардба на својот прв небодер во Австралија вреден 1,5 милијарди австралијански долари или 900 милиони американски долари.