И покрај опаѓањето на пушењето тутун, младите Европјани се поттикнати сè повеќе да користат електронски цигари и нови ароматизирани производи со никотин, предупреди Одделот на Светската здравствена организација за Европскиот регион, пренесе Јуроњуз.
Според новиот извештај, 53 земји во Европа и Централна Азија до 2030 година ќе останат дел од светот со најголема потрошувачка на тутун.
Употребата на тутун веќе предизвикува повеќе од 1,1 милиони смртни случаи од незаразни болести секоја година во европскиот регион, и без забрзана акција во 2030 година ќе бидеме регион во светот со најлош резултат – рече директорот на СЗО за Европа, Ханс Клуге.
Во 2024 година, околу 173 милиони луѓе во европскиот регион на СЗО биле корисници на тутун.
За СЗО најитен предизвик е сузбивањето на порастот на користењето електронски цигари бидејќи ги користат 14,3 отсто од децата на возраст од 13 до 15 години, при што стапката е речиси идентична кај момчињата и девојчињата.
Меѓу возрасните, Европа со околу 31,4 милиони корисници е втора во светот по употреба на електронски цигари, веднаш зад Северна и Јужна Америка.
Слични новости
ОЕЦД очекува забавување на економскиот раст на 2,8 насто во 2026 поради војната на Блискиот исток
Организацијата за економска сорабтка и развој ОЕЦД денеска соопшти дека глобалниот економски раст ќе успори од 3,4 насто во 2025, на 2,8 насто во 2026 поради војната на Блискиот исток, додека во 2027 се очекува делумно опоравување на 3,1 насто раст.
Индустриското производство во април годинава е зголемено за 7,6 %
Индустриското производство во април годинава е зголемено за 7,6 % во однос на април 2025 година – соопшти Државниот завод за статистика. Во периодот јануари – април годинава, пак, во споредба со истиот период од 2025, има раст на индустриското производство од 0,2 %.
САД ќе воведе царини за 60 земји, меѓу кои е и ЕУ
Американската администрација најави воведување на дополнителни царини од 10 до 12,5 проценти за увозот од 60 земји, вклучувајќи ја и ЕУ. Целта на новите царини, според објаснувањето од Вашингтон е да се ограничи трговијата со принудна работа, што ѝ штети на американската трговија.