Во средата, Организацијата на земјите извознички на нафта (OPEC) повторно ја намали својата прогноза за раст на побарувачката за оваа и за следната година, истакнувајќи ги индициите за транзицијата на Кина кон почисти горива.
Светската побарувачка на нафта годинава ќе се зголеми за 1,61 милиони барели дневно, според најновите проценки на OPEC, речиси 200.000 барели подолу отколку што пресметаа пред еден месец.
Во 2025 година ќе се зголеми за 1,45 милиони барели дневно, 100.000 барели пониску од проценките во ноемврискиот извештај.
Од август, групата ги намали проценките за раст на побарувачката за оваа и за следната година за половина милион барели дневно.
Проценката на растот на кинеската побарувачка оваа година е намалена од 450.000 на 420.000 барели дневно, а OPEC посочува дека сега очекува малку послаб раст во Индија и другите азиски земји.
Во октомври потрошувачката на дизел во Кина била за 4,1 отсто помала од минатата година, а потрошувачката на мазут била за 15,7 отсто помала, се наведува во извештајот.
Европската побарувачка оваа година треба да порасне за 60.000 барели дневно, што е шест пати посилно отколку што покажаа претходните пресметки на OPEC.
Побарувачката на членките на Организацијата за економска соработка и развој (ОЕCD) годинава ќе се зголеми за 110 илјади барели дневно, нешто послабо од она што досега го очекуваше OPEC, потпирајќи се на САД.
Следната година, групата предвидува силна побарувачка за авионскиte патувања и „здраваta патна мобилност“, вклучително и зголемено купување на дизел. Во земјите надвор од ОЕCD побарувачката треба да биде поддржана и со „здрава“ активност во индустријата, градежниот сектор и земјоделството, посочуваат во извештајот.
Пред околу една седмица, OPEC и неговите сојузници големи независни произведувачи предводени од Русија попознати како картелот OPEC+ го одложија планираното зголемување на понудата до крајот на март, а исто така го одложија и рокот за целосно нормализирање на испораките, до крајот на 2026 година.
Слични новости
Златото над 3.100 долари
Цените на златото во понеделникот надминаа 3.100 долари за унца, поради стравувањата на инвеститорите дека американските царини би можеле да ја поттикнат инфлацијата и да го забават економскиот раст, како и континуираната побарувачка од централните банки
Инфлацијата во Германија попуштила во март
Инфлацијата во Германија ослабела на 2,2 отсто во март, со значително посилен пад на цените на енергенсите и благ пораст на цената на услугите
И италијанската централна банка во минус и во 2024.
И италијанската централна банка ја заврши 2024 година со загуба поради рестриктивната монетарна политика на Европската централна банка (ЕСВ), но сепак ќе уплати 644 милиони евра во државната каса, изјави во понеделникот гувернерот Фабио Панета