Групата членки на Организацијата на земјите извознички на нафта (OPEC) и нивните сојузници големи независни производители објавија паузирање во нормализацијата на снабдувањето во првиот квартал од следната година, истакнувајќи ја сезонски слабата побарувачка.
Саудиска Арабија, Русија, Обединетите Арапски Емирати, Ирак, Кувајт, Оман, Казахстан и Алжир објавија дополнителни 137.000 барели дневно во декември, како и во октомври и ноември, според соопштението од состанокот одржан во неделата.
Уште во септември, групата ја зголеми понудата за 411.000 барели дневно. Сепак, планот за првиот квартал од следната година предвидува пауза во нормализацијата на снабдувањето што започна во април оваа година.
„По декември, осумте земји одлучија да го паузираат зголемувањето на производството во јануари, февруари и март 2026 година од сезонски причини“, се вели во соопштението на групата OPEC+.
Побарувачката традиционално слабее во зимските месеци, а се зајакнува кон средината на годината и врвот на сезоната на патувања на северната хемисфера.
OPEC+ ја намалува понудата веќе неколку години поради послабата побарувачка и ниските цени. Во март, тие пласираа дури 5,85 милиони барели дневно помалку на пазарот отколку на почетокот од 2023 година.
Групата осум земји ја суспендираше понудата од 1,65 милиони барели дневно, а во април оваа година почна постепено да ги враќа на пазарот, со проценка на „солидна побарувачка“.
Во OPEC+, сепак, планираат целосно да ја нормализира понудата до крајот на годината. Претствниците на осумте земји ќе се состанат повторно на 30-ти ноември, кога ќе се состане и целосната група OPEC.
Слични новости
Секоја четврта продавница не издава фискални сметки
До крајот на ноември годинава, Управата за јавни приходи (УЈП) спровела околу 4.000 контроли за регистрирање на готовинскиот промет, што претставува зголемување за 2,5 пати во однос на истиот период минатата година
Доларот падна во однос на кошничка валути втора седмица по ред
На светските пазари, вредноста на американскиот долар во однос на кошничка валути падна минатата седмица, втора по ред, бидејќи инвеститорите веруваат дека американската централна банка ќе ги намали клучните каматни стапки следната седмица
Раст на светските берзи, се чека намалување на каматните стапки во САД
Цените на акциите на светските берзи пораснаа минатата седмица, втора по ред, благодарение на верувањето на инвеститорите дека американската централна банка ќе ги намали каматните стапки следната седмица