„Nvidia“ презема удел во „Intel“ вреден пет милијарди долари

Водечката компанија во производството на чипови за техничка интелигенција „Nvidia“ купи акции на „Intel“ во вредност од пет милијарди долари, со што ја спроведува трансакцијата најавена во септемврискиот договор, беше објавено во понеделникот.

„Nvidia“, дизајнер на чипови за вештачка интелигенција и водечка компанија во светот по пазарна капитализација, објави во септември дека ќе плати 23,28 долари по акција за обичните акции на „Intel“. На крајот, по цената утврдена во септемврискиот договор, купи повеќе од 214,7 милиони акции на „Intel“, беше објавено.

 

Американските антимонополски агенции ја одобрија инвестицијата на „Nvidia“ во „Intel“, според известувањето објавено претходно во декември од страна на Федералната трговска комисија на САД.

Во август американската влада неочекувано купи 10 отстотен удел во „Intel“ за 5,7 милијарди долари, а истиот месец овој гигант кој се бори со проблеми и некогаш водечки производител на чипови во светот обезбеди финансиска инјекција од две милијарди долари од јапонската „Softbank“.

Како што процени Reuters во септември, сопственичкиот удел на „Nvidia“ во „Intel“ веројатно ќе изнесува четири отсто или повеќе, што ја прави еден од водечките акционери на „Intel“.

Во тоа време беше посочено дека договорот меѓу „Nvidia“ и „Intel“ предвидува и заеднички развој на чипови, што би можело да ја промени конкуренцијата во секторот и да ги загрози позициите на тајвански TSMC и американска AMD.

globe

Слични новости

Британските банки планираат алетернатива за платежните картички поради страв од Трамп

Британските банки планираат алетернатива за платежните картички поради страв од Трамп

Шефoвите на најголемите британски банки го одржаа првиот состанок за воспоставување на локален платен систем, познат како „ DeliveryCo” за да ја намалат зависноста од американските платни картички Виза и Мастеркард