Швајцарскиот прехранбен гигант „Nestlé“ најави намалување на производствениот капацитет во Германија, наведувајќи ја зголемената чувствителност на цените на клиентите и повисоките трошоци за производство.
Фабриката во Нојс, град во близина на Дизелдорф, ќе ги затвори вратите во средината на 2026 година, а фабриката во Конов, град во североисточната сојузна покраина Мекленбург-Западна Померанија, ќе биде продадена, објави во четвртокот „Nestlé“.
Зголемената чувствителност на цените на клиентите и повисоките трошоци за производство резултираа со „вишок од капацитети“, објаснува швајцарскиот прехранбен гигант.

Одлуката на компанијата ќе влијае на околу 230 работници и управата во моментов преговара со работнилкиот совет за можни решенија, вклучувајќи мерки за преквалификација и понуда за делумно пензионирање.
Фабриката во Нојс вработува околу 145 работници и произведува растителни масла, мајонез и сенф од брендот „Thomy“ во стаклени тегли, пластични шишиња и туби. Фабриката во Конов вработува околу 80 работници и произведува, меѓу другото, инстант супи и други производи од брендот „Maggi“.
Производството во фабриката Конов, која вработува околу 80 работници, ќе биде прекинато на почетокот на следната година, а потоа ќе биде преместено во други европски земји, забележуваат од „Nestlé“, додавајќи дека во моментов преговараат со германски купувач.
Инаку „Nestlé“ вработува околу 6.700 работници во тринаесет фабрики во Германија. Групацијата минатата година забележа приход од две милијарди швајцарски франци во Германија, за 9,2 отсто помал од претходната 2023 година. Изразено во евра, тој е намален за 7,4 отсто.
Швајцарскиот гигант последните години ги зголемува цените, пренесувајќи ги трошоците за поскапите суровини на потрошувачите. Нивната продажба затоа се намали, бидејќи граѓаните се свртеа кон поевтини брендови во услови на ослабената куповна моќ.
Во такви услови, вкупните приходи на групацијата паднаа за 1,8 отсто минатата година, на 91,4 милијарди франци. Ако се исклучат промените на девизните курсеви и продажбата или купувањето на средства, се зголемиле за 2,2 отсто. Цените ги подигнале за 1,5 отсто, а обемот на продажбата е зголемен за 0,8 отсто.
Слични новости
Германија би можела да го надомести послабиот извоз во САД на пазарите во ЕУ
Германскиот извоз во САД ќе расте послабо следните десет години поради трговските конфликти и зголемениот американски протекционизам, но извозниците би можеле да ги надоместат загубите на пазарите во Европската унија
Знаците на силна американска побарувачка ги туркаат цените на нафтата кон 74 долари
Цените на нафтата се зголемија во средата на меѓународните пазари кон 74 долари, бидејќи падот на залихите во САД сигнализираше силна побарувачка, по објавувањето на САД за царини за купувачите на барели од Венецуела што може да ја намали понудата
Фич: Кредибилните и конзистентни политики ја поддржуваат стабилноста на денарот и кредитниот рејтинг на земјата
Стабилноста на девизниот курс на денарот, којашто се одржува благодарение на кредибилните и конзистентни политики, е еден од клучните фактори за одржување на кредитниот рејтинг на нашата земја. Ова се посочува во најновиот извештај на агенцијата за кредитен рејтинг „Фич“