Добавувачот на автоделови „Continental“ објави дека ќе го намали производството во својата матична земја Германија со затворање четири фабрики и преместување на една производна линија во Чешка поради слабата побарувачка.
Со цел да заштеди 400 милиони евра годишно, групацијата планира да отпушти повеќе од 7.000 вработени, според планот за реструктуирање на кој работи повеќе од една година.
Во петокот најавија дека поради слабата побарувачка ќе ги затворат погоните во Бад Бланкенбург, Столценау и Моерс, како и комбинираниот комплекс во Фрохбург и Гајтајн. До средината на оваа година ќе пренесе и една производна линија од фабриката во Хановер-Варенвалд во Чешка. Производството ќе биде намалено и на локацијата во Хамбург, додаваат тие.
„Трендовите во развојот на автомобилската индустрија и во ископувањето на лигнит во Европа ни прават проблеми“, рече Филип Нелес, член на извршниот одбор на „Continental“ Континентал и шеф на одделот „ContiTech“.
Намалувањето на производството во Германија ќе погоди вкупно 580 работници, велат тие.
Во ноември, деловниот весник Manager Magazin објави дека „Continental“ има намера да укине околу 5.500 работни места ширум светот, што одговара на нешто помалку од три отсто од работната сила.
Менаџментот планира првенствено да ги елиминира административните работни места, објави тогаш Manager Magazin, додека оние во производство и развој треба да бидат поштедени до натамошно известување.
Размислуваме за „дополнителни мерки за зајакнување на конкурентноста на автомобилскиот сектор, вклучително и можни промени во административната структура за да обезбедиме услови за побрзо и поагилно донесување одлуки“, изјави тогашниот шеф на одделот Филип фон Хиршејд, додавајќи дека не можеше да каже дали одлуката е веќе донесена.
Автомобилските компании ширум Европа ги затвораат погоните и отпуштаат работници поради слабата побарувачка, високите трошоци и кинеската конкуренција, забележува агенцијата dpa.
Слични новости
Цените на гасот во Европа на највисоко ниво од есента 2023.
Цените на гасот во Европа во понеделникот го достигнаа своето највисоко ниво за нешто повеќе од една година, со зголемена побарувачка поради ниските температури и укинувањето на ценовната граница ширум Европската унија
Минималната кошница ќе ја формираат сикдикатите, ДЗС, ОПМ и министерствата за финансии и за економија
Не е постигнат договор за минималната плата, но ќе има официјална потрошувачка кошница што ќе ја креираат синдикатите, Државниот завод за статистика, Организација на потрошувачи, како и министерствата за економија и за финансии
Aнгеловска-Бежоска: Реформите се важен фактор за привлекувањето странски инвестиции
Реформите, вклучувајќи го и усогласувањето на нашата регулатива и практики со европските, се значаен фактор за привлекување странски директни инвестиции. А странските директни инвестиции во малите економии како нашата вообичаено се еден од двигателите на економскиот раст“, истакна гувернерката на Народната банка