BYD ја удвои добивката на почетокот на годината

На почетокот на април компанијата објави во привте три месеца од годинава на клиентите им испорачала милион возила на погон на нови извори на енергија, што е за 60 проценти повеќе отколку во истиот период во 2024 година.

Најголемиот кинески производител на електрични возила го раздвижи пазарот со вклучување на системот за помош при возење „God’s Eye” (Божје око) како стандардна опрема на сите модели и воведување нова технологија за ултра брзо полнење на електрични возила.

Со овие потези, BYD ги охрабри конкурентите како што се „Leapmotor“, „Geely“ и „Toyota“ да го следат неговиот пример, а воедно да им понудат на клиентите попристапни модели со „паметни“ карактеристики.

Со отворањето на нов фронт во долготрајната ценовна војна на најголемиот светски пазар на автомобили, BYD се стреми да ја зголеми својата предност во однос на конкуренцијата. Нејзиниот удел во првиот квартал изнесуваше 13,6 проценти. Во истиот период минатата година, тој изнесуваше 12,1 процент.

Уделот на двете компании што германски „Volkswagen“ ги основаше заедно со кинеските партнери падна од 13,7 на 12,1 проценти во истиот период.

На минатонеделниот саем за автомобили во Шангај, ниту BYD ниту неговите конкуренти не ги нагласија особено можностите на системот за помош на возачот, префрлајќи го фокусот на безбедноста.

Промената во маркетиншката стратегија беше поттикната од кинеската влада, која ја забрани употребата на термините „паметно“ и „автономно“ возење во рекламите, предизвикана од жестоките дискусии за безбедноста по фаталната несреќа во март.

BYD генерира околу 90 проценти од своите приходи на домашниот пазар, а оваа година планира да извезе 800.000 возила.