Нафтениот гигант BP продава 65 отсто од од акциите на „Castrol“ на американската инвестициска фирма „Stonepeak“ за околу шест милијарди долари, што е клучен чекор во стратегијата на BP за продажба на средства од 20 милијарди долари, насочена кон намалување на долгот и зголемување на финансиските приноси.
Договорот од средата ја проценува вредноста на „Castrol“ на 10,1 милијарди долари и претставува најамбициозна продажба на средства на британската компанија досега, додека таа се стреми да ги рационализира своите операции и да ги намали инвестициите во обновлива енергија по години заостанување зад конкурентите во цената на акциите.
ВР ќе задржи 35 отсто од акциите во новото заедничко вложување со „Stonepeak“, кое може да го продаде по двегодишниот таканаречен „лок-ин“ период.
Акциите на ВР пораснаа за повеќе од 1 отсто во средата по објавувањето, но потоа паднаа за 0,1 отсто.
„Продолжуваме да се прашуваме за рационалноста на одлуката за продажба на Castrol, компанија со висок приход и ниска волатилност, бидејќи на крајот е штетна за долгорочната одржливост на дивидендите и квалитетот на заработката на бизнисот“, велат аналитичарите на RBC.
Продажбата вклучува забрзани исплати на дивиденда од 800 милиони долари, за кои ВР се одлучи претходно оваа година.
BP ќе ги искористи приходите од продажбата за намалување на долгот, продавајќи средства во вредност од 20 милијарди долари за да го намали нето долгот од 26 милијарди долари на помеѓу 14 и 18 милијарди долари до крајот на 2027 година, се вели во соопштението.
По затворањето на договорот со „Castrol“, завршените и објавени приходи од продажба на ВР изнесуваат вкупно приближно 11 милијарди долари.
Во посебна изјава, „Stonepeak“ објави дека Инвестицискиот одбор на Канадскиот пензиски план ќе инвестира до 1,05 милијарди долари како дел од договорот и ќе стекне индиректен удел во Кастрол.
Минатата седмица BP ја именуваше Мег О’Нил од „Woodside Energy“ за свој следен извршен директор, преземајќи ја функцијата од Мареј Очинклос.
Во октомври, новиот претседател на ВР, Алберт Манифолд, им порача на вработените дека портфолиото на групацијата е „премногу сложено“ и дека треба брзо да се префокусира на својот бизнис со нафта и гас, а компанијата од август бара начин најдобро да управува и да профитира од своите ресурси за нафта и гас и размислува за натамошно намалување на трошоците за да се зголеми приносот за акционерите.
Слични новости
Раст на празничната потрошувачка во малопродажбата во САД
Продажбата кај американските трговци на мало се зголеми за околу 4 отсто оваа празнична сезона, според прелиминарните податоци објавени во вторник од Visa и Mastercard.
Ублажен растот на продажбата на нови автомобили во ЕУ во ноември
Продажбата на автомобили во Европската унија се зголеми по петти месец по ред во ноември, благодарение на континуираната силна продажба на електрични возила, но беше значително послаба отколку на почетокот од есента
Од 1-ви јануари повисоки сметки за струјата
Наместо предложеното зголемување од 7,66 отсто што ЕВН ХОМЕ го достави во одлуката, РКЕ по спроведени анализи и повторни пресметки, одлучи во прв блок да има корекција од 2,45 проценти. Во втор блок цената ќе се зголеми за 2,87 отсто, додека предлог зголемувањето на ЕВН ХОМЕ е 8,54 проценти. Во трет блок цената ќе се зголеми за 3,32 отсто иако беше предложено да има зголемување од 9,63 проценти и во четврт блок зголемувањето е 3,84 отсто, наместо предложените 11,86 проценти, соопшти денеска претседателот на РКЕ, Марко Бислимовски. Тој посочи дека поскапувањето за 85 отсто од домаќинствата ќе биде за 2,28 отсто или за 57-70 денари на просечната сметка.