Германската биофармацевтска компанија „BioNTech“ во понеделникот објави дека ја завршила 2024 година со нето загуба и значително помал приход поради послабата побарувачка за нејзината вакцина против против ковид-19.
Вкупниот приход лани изнесуваше 2,75 милијарди евра и беше за 28 отсто помал од 2023 година.
„BioNTech“ годината ја заврши со нето загуба од 665,3 милиони евра. Во 2023 година работеше со нето добивка од 930,3 милиони евра.
Остриот пад на приходите првенствено ја одразува послабата побарувачка на вакцини против коронавирусната болест ковид-19 и отпишувањето на залихите кај американскиот партнер „Pfizer“, се вели во соопштението.
Трошоците за истражување и развој, пак, скокнале за 26,4 отсто, на 2,25 милијарди евра, поради клиничките испитувања на новите онколошки лекови.
Годинава менаџментот очекува приход во опсег од 1,7 до 2,2 милијарди евра, со фокус на четвртиот квартал, истакнувајќи дека проценката се базира на претпоставката дека вакцинацијата, цените на вакцините и пазарниот удел ќе останат на минатогодишното ниво.
Слични новости
Европските инвеститори претпазливи, индексите стагнираат
На европските берзи се тргува претпазливо во понеделник претпладнето, при што берзанските индекси стагнираат додека инвеститорите чекаат нови вести кои би можеле да го насочат пазарот
Доларот останува под притисок, цената на нафтата паѓа
На валутните пазари вредноста на американскиот долар во однос на кошницата валути падна на почетокот на седмицата, откако минатата потона за повеќе од 3 отсто
Еврото зајакна во однос на доларот за повеќе од 4 отсто, најмногу во последните 16 години
На девизните пазари, вредноста на доларот во однос на кошницата валути драстично падна минатата седмица, при што курсот на еврото во однос на доларот скокна за повеќе од 4 отсто, што е негова најголема седмична добивка во последните 16 години.