Шпанскиот тенисер Алехандро Давидович Фокина и српскиот претставник Миомир Кецмановиќ се финалисти на АТП 250 турнирот на тврди терени во американски Делреј Бич.

Кецмановиќ го победи Американецот Алекс Михелсен со 7-6 (3), 6-3 за своето второ финале на овој турнир, а Давидович Фокина во полуфиналето го победи Италијанецот Матео Арналди со 6-4, 6-4.

Шпанецот в недела по вторпат ќе се појави во финалето на АТП турнирите. Тој беше финалист во Монте Карло во 2022 година, а сѐ уште ја чека првата титула.

Кецмановиќ стигна до своето петто финале, а прво по Есторил во 2023 година. 25-годишниот српски тенисер има една титула, која ја освои во 2020 година во австриски Кицбил.

 

globe

Слични новости

Кари прв во НБА до 4.000 „тројки“

Кари прв во НБА до 4.000 „тројки“

Голден Стејт Вориорс на домашен терен во Сан Франциско ги совладаа Сакраменто со 130:104 и го забележаа шестиот последователен триумф