Народната банка на Македонија утрово информира дека со најновата измена на Решението за администрација се овозможува исплата на плати, заедно со уплата на соодветните даноци и придонеси, за компаниите што во последните три месеци редовно исплаќале плати преку платежните сметки во „АЛТА банка“ АД Битола.

Оваа можност се однесува на компаниите за кои исплатата на плати преку „АЛТА банка“ АД Битола претставува воспоставена практика, односно кои континуирано ја користеле Банката за оваа намена и во трите месеци пред донесувањето на одлуката.

Исто така, износот на средствата кои може да се користат од платежната сметка на фирмата во „АЛТА банка“ за исплата на платите може да биде повисок до 5% во однос на вкупниот износ на платите исплатени во октомври.

На овој начин се овозможува продолжување на постојните текови на исплата и исполнување на обврските кон вработените и државата, а истовремено се задржува контролата врз одливите на средства од Банката.

Со измената се овозможува и физичките лица во целост да располагаат со новите приливи на своите сметки во „АЛТА банка“ АД Битола, доколку средствата доаѓаат од платежни сметки отворени кај други банки и даватели на платежни услуги. Тоа значи дека граѓаните можат без ограничување на износот да ги користат средствата коишто дополнително ќе им бидат уплатени врз  оваа основа, соопштуваат од НБРМ.

 

Слични новости

Протест пред владата против насилството врз жените

Протест пред владата против насилството врз жените

Протестот го организираат неформалната иницијатива „Ниту една повеќе“ и Платформата за родова еднаквост. Тие повикуваат на масовно граѓанско присуство и јасна порака дека насилството врз жените, институционалните пропусти и неказнивоста повеќе не смеат да се толерираат.

Истрагата за нападот врз Сара може да се прошири и на татко на Кристијан – OJO Охрид прибира докази

Истрагата за нападот врз Сара може да се прошири и на татко на Кристијан – OJO Охрид прибира докази

Основното јавно обвинителство Охрид прибира докази за евентуално проширување на истрагата и поднесување кривична пријава и против таткото на Кристијан Корабоски, под сомнение за помагање при извршување кривично дело.