Хутите, поддржани од Иран, за само 36 часа остварија значителен напредок долж западниот брег на Јемен, преземајќи ја стратешката пристанишна Мока и островот Перим, кој се наоѓа на влезот во Црвеното Море.
Брзиот напредок предизвика меѓусебни обвинувања меѓу сојузниците на јеменската влада.
Јеменски извори тврдат дека побарале воздушна поддршка од Саудиска Арабија и САД, но дека таа не пристигнала навреме. Други аналитичари, пак, укажуваат на внатрешните поделби во јеменските сили и слабата координација како главни причини за падот на Мока.
Преземањето на Перим им дава на Хутите значително поголемо влијание врз Баб ел-Мандеб, теснецот што го поврзува Црвеното Море со Аденскиот Залив и претставува клучна рута кон Суецкиот Канал.
Во услови кога Иран веќе има силно влијание врз Ормускиот Теснец, новото зајакнување на Хутите може дополнително да го загрози глобалниот поморски сообраќај и да изврши притисок врз цените на нафтата.
Аналитичарите предупредуваат дека Хутите би можеле да продолжат со напредувањето кон исток, со што конфликтот во Јемен би можел да стане втор фронт во пошироката војна меѓу САД и Иран.
Слични новости
Иран соопшти дека погоди танкер под знамето на Того
Иранската револуциоенрна гарда соопшти дека нејзините сили погодиле танкер кој пловел под знамето на Того во подрачјето на Ормутскиот теснец.
Танкерот „Тренд“ бил погоден, а потоа преретнат откако на него избувнал пожар, се наведува во соопштението на Техеран.
Нетанјаху: „Мораме да ја завршиме мисијата“
Нетанјаху порача дека земјата мора да продолжи со воените цели против Иран, Хезболах и Хамас. Нетанјаху, кој се подготвува за парламентарните избори на 27 октомври, пред приврзаниците на Ликуд повика на продолжување на, како што го нарече, процесот на исполнување на мисијата.
Пентагон со план за повлекување на речиси една третина од американските сили од Европа
План за повлекување авиони, воени бродови, оружје и десетици илјади американски војници од Европа разгледува Пентагон, и покрај предупредувањата од сојузниците на НАТО за растечката закана од руска агресија, јави Ен-Би-Си повикувајќи се на сегашни и поранешни западни и американски функционери.