Американскиот претседател Доналд Трамп најави нова, многу поостра фаза на економски притисок врз Иран која ја нарече „економски ден Д“, предупредувајќи дека ќе се соочат со сериозни последици сите држави, банки и компании кои ќе продолжат да одржуваат финансиски врски со Иран.
Трамп наведе дека Вашингтон тргнува во „најразурнувачката економска операција која било кога е спроведена против било која земја“, откако Иран не постигна договор со САД. Американските медиуми известуваат дека станува збор за нов степен на кампања чија цел е целосна економска изолација на Иран.
Најавените мерки Трамп ги опиша како економска војна и порача дека нивната цел е изолација на Иран во невидени размери.
Особено предупредување Трамп им упати на земјите кои му пружаат финансиска или трговска помош на Иран и предупреди дека тие ќе се соочат со огромни економски последици.
Новата камапања се надоврзува на постоечката американска операција „Економски бес“ насочена против иранските финансиски, нафтени и транспортни мрежи.
Според податоците на американското министерство за финансии од февруари 2025 Канцеларијата за контрола врз странскиот имот воведе санкции на повеќе од 1000 поединци, бродови и летала поврзани со Иран.
Слични новости
ММФ со благо зголемување на прогнозата за раст – влијанието на вештачката интелигенција врз пазарот на трудот ќе се шири како „бавно цунами“
ММФ сега очекува цените на нафтата во текот на годинава да се зголемат за речиси 41 отсто, на просечно 96 долари за барел, што би ја зголемило глобалната инфлација на 4,7 отсто во 2026 година, од 4,1 отсто минатата година.
Банката на Америка ги кршела правилата околу перењето пари
Министертсвото за финансии на САД објави дека Банката на Америка е казнета со над 1,2 милијарди долари поради кршење на законот за спречување на перење пари
Ескалацијата на судирите на Блискиот исток ја држат цената на нафтата на над 106 долари за барел
Цената на нафтата Брент за испораките во декември порасна за 0,61 насто на 106,33 долари за барел, додека американската нафта ВТИ за ноемвриските испораки поскапе за 0,63 насто на 94,73 долари за барел, пренесе Си-Ен-Би-Си.