Во земјава денеска се одбележуваат 123 години од смртта на македонскиот револуционер и борец за слобода Гоце Делчев.
Бројни делегации и граѓани денеска ќе положат цвеќе и ќе се поклонат пред гробот на Делчев во црквата „Свети Спас“, а предвидена е панихида на Македонската Православна Црква – Охридска Архиепископија, на која е најавено и присуство на премиерот Христијан Мицкоски.
Роден на 4 февруари 1872 година во Кукуш, во семејството на Султана и Никола. Се школувал во гимназијата во Солун и на Воената академија во Софија. Учителствувал во Штип, а како член на Централниот комитет на ТМОРО работел на создавање мрежа на бази, комитети и комитски чети на Организацијата. Учествувал на Солунскиот конгрес на ВМРО (1896), а до 1901 година бил задграничен претставник на ВМРО во Софија.
По убиството на 4 мај 1903-та, неговите посмртни останки се чувале во Баница, до 1917 година, кога биле пренесени во Ксанти, а потоа во Софија. До 1923 година, ковчежето со коските се чувало во домот на Михаил Чаков. Останките на Делчев на 11 октомври 1946 година биле пренесени во црквата „Свети Спас“ во Скопје.
Слични новости
Грција ќе го суспендира контроверзниот систем ЕЕС за време на летните одмори
Грција веќе привремено ги суспендираше до септември новите правила на Системот за влез/излез за британските туристи откако нивното воведување предизвика огромни толпи и одложувања.
Продолжува судењето за пожарот во „Пулс“-се очекува сведочење на вештото лице од Судска медицина
Судењето за пожарот во дискотеката Пулс продолжува денеска. Во судницата во Идризово се очекува Обвинителството да го повика и вештото лице од Судска медицина.
Влен се транформира од коалиција во единствена политичка партија
Од коалицијата ВЛЕН соопштија дека по 9 мај ќе започне ново политичко преструктуирање во албанскиот политички блок. Петте политички субјекти од кои е составен ВЛЕН ќе дејствуваат како една политичка сила, откако од 9 мај ВЛЕН ќе се трансформира во политичка партија.