Премиерите на „Хоперс“ и „Невестата“ се очекува да доминираат на Бокс Офисот овој викенд

Анимираниот филм на Пиксар „Хоперс“ се очекува да има најдобро отварање за ова студио во последната деценија. Пиксар кој е дел од студиото Дизни очекува премиерата на „Хоперс“ да донесе заработка од околу 88 милиони долари на премиерниот викенд, од кои во САД близу 40 милиони.

„Хоперс“ има одлични критики, а на Ротен томејтоус стигна до многу високи 97 проценти. Со оглед на тоа што „Зоотопиа 2“ заработи 1,85 милијарди долари на кино благајните, очекувањата се дека публиката и натаму има желба за семејни филмови како „Хоперс“.

Ворнер брос викендов ќе ја има премиерата на филмот „Невестата“ на Меги Гиленхал со Џеси Бакли и Кристијан Бејл. Фимот е римејк на готскиот хорор „Невестата на Франкрештајн“ од 1935. Ворнер предвидува филмот да заработи 35-38 милиони долари глобално.